Popular Bible Verses from Marako 14

Share

En eko waco be, “Okwe Papa, gi dedede twerere kibuti. Kwany ikopo me can noni kibuta tenge, likame pi mit nango, do pi mit nin.”

En eko waco ne gi be, “Bedunu di ineenunu, kede di ilegunu, tetekeny kur ipotunu i atama. Pien cuny mito, do kom nyap.”

Ateteni awaco ne wu be, kabedo dedede kame kobino tuco ejiri iye i wi lobo lung, kobino tatamo gikame dako noni otimo di koyutuno en kede.”

en eko waco ne gi be, “Par atek tie i cunya kame romo neka. Wun ber dongunu kan, do bedunu di ikiunu piny.”

Kakame oudo kitie cam kede, Yesu oko kwanyo mugati, eko kwano winyo iye, eko popoko, di eko mino josiao mege di ewaco be, “Gamunu icamunu; man en koma.”

En eko kwanyo ikopo me bwini, eko mino pwoc but Rubanga, en eko mino gi, di gin dedede kiko mato. Yesu oko waco ne gi be, “Man en remo na kame moko isikan ka Rubanga, remo na kame kobino onyo pi jo atot.

Yesu oko waco ne gi be, “Wun dedede iyarunu ringo ikounu weka, pien kowandiko be, ‘Abino neko ngakwat di romini ko bino sarakin.’

Yaunu ootunu. Nenunu ngat koyaro rupao ango ine otieko tuno.”

Yesu oko waco ne Petero be, “Ateteni awaco ni be, iwor me tin, di pwodi likame tongweno me are okok, udo in itieko daga tien adek.”