Popular Bible Verses from Matayo 28

Share

Pi mano, otunu ilokunu jo me atekerin dedede dok jo kame luba, batisonu gi i nying Papa kede Wod kede Tipo Kacil, doko di ipwonyunu gi gwoko gikame aciko ne wu pi lubo. Doko nenunu, ango atie kede wu nakanaka tuno i ajikini me piny.”

Yesu oko ot but gi di en eko waco ne gi be, “Kotieko mina akarunikin dedede me i malo kede me lobo.

Do Malaika nono oko waco ne mon ka be, “Kur ibedunu kede lworo, pien ango angeo be wun itienu mono Yesu kame oudo koguro i kom musalaba. En eli ki kan pien etieko yaruno bala kame bin ewaco. Bianu inenunu kakame oudo kopielo iye kome.

Yesu oko waco ne gi be, “Kur ibedunu kede lworo; otunu iwacunu ne imiegu na pi ot Galilaya di kiko bino nena ki kuno.”

Kakame jodongo me josaseredoti kede joadongo me piny ocokere kede karacel, kiko iiko tam, di kiko mino isirikalen sente atot di kiwaco ne gi be, “Wacunu ne jo be, ‘Josiao mege obino iwor di wan onino kiko kwalo kome.’ Ka kop noni otuno i yit ngapug, wan obino cungo iye di likame ikounu udo peko moro.” Isirikalen jodar oko gamo sente di kiko timo bala kame oudo kowaco ne gi. Kop noni oko sarakin i dier Iyudayan tuno tin.