Popular Bible Verses from Matayo 24

Share

Pi kite kame tim areco udo onyai kede, amara me jo atot bino dok piny. Do ngat kame bino kanyakino tuno i ajikini bino udo alako.

Koyaro bino tuco ejiri noni me Ajakanut ka Rubanga i piny lung, bala gi me ijura ne atekerin dedede; di do ajikini me piny ko bino tuno.

Doko ibinunu winyo kop me yi kede rwonge me yi, do nenunu be likame imiunu cunyu opoto; pien manono miero timere di ajikini pwodi likame otuno.

Atekerin bino yi, ajakanut acel bino yi kede ajakanut ocelu, doko kec kede yangere me piny bino bedo tie kabedere atot. Magi dedede tie bala agege me aramo me nywal.

Malo kede lobo bino rwenyo, do kope nango likame bino rwenyo.

Pien jo atot oyaro bino i nyinga di kiwaco be, ‘Ango en Kirisito,’ di gin kiko bino rwenyo jo atot.

“Gin kiko bino mino wu i cing jo kame bino tidilo wu, kiko bino neko wu da. Piny lung bino dagi wu pira. Jo atot bino poto ki yei gi, doko kiko donyo timo erupe di kidagere ken gi ken gi. Doko inabin me angalo bino neeno, di kiko rwenyo jo atot.

Yesu oko dwoko ne gi be, “Gwokerenu me wek kur ngatamoro rweny wu.

Pi mano, wuda bedunu di itiekunu iikere, pien Wot ka dano bino ngoole dwogo iesawa kame wun likame ingeunu.

“Pi mano, gwokerenu, pien likame ingeunu ceng kame Rwot wu oyaro bino kede.

“Do likame tie ngat kame ngeo awene kame ceng amotoko esawa nono bino tuno kede. Akadi imalaikan me i malo da likame ngeo, akadi Wot ka Rubanga da likame ngeo, do Papa kenekene en kame ngeo.

Pien jo kame cuko be gin Kirisito, kede inabin me angalo oyaro bino di kiko timo gianena kede gi me isuur, tetekeny ka twerere, kirweny kiton jo kame Rubanga oyero da.

Bino me Wot ka dano bino bedo bala gikame bin otimere i kare ka Nua. Pien i kare nono, di pwodi alele likame oumo piny, jo oudo tie cam kede amata di kinyomere, doko di kimio anyira gi me anyoma, paka tuno i ceng kame Nua odonyo kede i yi yee; doko oudo gin likame kingeo gikame tie timere tuno kede alele oko bino di oko neko gi. Bino me Wot ka dano da bino bedo kamanono.