Popular Bible Verses from Luka 14

Share

“Ngat kame bino buta likame karuno bedo ngasiao na, kwanyo kenekene ka emara kalamo epone kame emaro kede papa kede toto mere, dako kede idwe mege, imiegu kede amiegu mege, ebo, kiton kuo mere da kikokome.

Ngat kalikame riongo musalaba mere di eko donyo luba, likame etwero bedo ngasiao na.

Pien ngat kame tingere kene, kobino dwoke piny, do ngat kame mwolere, kobino tinge malo.”

Pi mano, likame tie ngatamoro kikom wu kame twero bedo ngasiao na tuno kede di ejalo gi dedede kame etie kede.

“Ngai kikom wu ka emito gero ot abor malo, likame ber ebedo piny di eko maro wel sente kame gedo mere no mito, me wek engei ka sente kame en etie kede romo tieko gedo? Pien ka likame etimo kamanono, di en eko cako gedo di likame eko karuno tieko, jo dedede kame neno gedo nono bino nyere, di kiwaco be, ‘Kom icuo ni ocako gedo da kiber, do bobo tieko oko bwone.’

Do kame iyaro tedo ebaga, lwong jocan, ingwalasa karacel kede imuduka, di oko bino mini winyo, pien gin likame kikaruno culi. In kobino culi i kare me iyarun me jo opoore.”

“Kado ber; do ka tuto odoko bot, kotwero mine bobo edoko kec benyo? En do udo likame bobo eber akadi ne lobo da, akadi me aketa i atukit me bolia; do en do kobwote obar. Ngat kame tie kede yite, wek ewinyi.”