Popular Bible Verses from Marku 5

Share

Muene iu ua mu ambela, uixi: Mona, o kuxikana kue, kua ku bhulula. Ndeie ni kutululuka, u di sanze ku uhaxi ue.

Anga bhu kala muhatu ua kate kibhubhe kia manhinga, ua bhange nakiu kia kuinhi dia muvu ní iadi, Jimbongo je joso ja kexile na-ju, ua ji texile ku imbanda. Maji o imbanda, bhu kididi kia ku mu kuatekesa, a mu tatesa dingi kiavulu, ne ngo kuiluka; maji o uhaxi ue uavulu dingi.

Kithanganʼokio o kibhubhe kie kia manhinga kia batuka, anga u ívua mu mukutu ue kuma uhaxi ue ueluka.

Anga u kuata o mona mu lukuaku, u mu ambela, uixi: Talita, kumi! Uambe, mu ku ki jimbulula: Kilumba, nga ku tumu kubalumuka!

Kioso-phe Jezú kia kexile hanji mu zuela, ku dibhata dia dikota dia dilombe ku tunda athu, exi: Na Jailu, monʼê uafu kia. O mesene u mu talesela-hi ngo hadi? Jezú-phe ka a suu kia zuela, u ambela dikota dia dilombe, uixi: Ku kale ni hele! Xikana ngo.

Muene ua zuela kiki, mukonda o Jezú ua dianga ku mu ambela, uixi: Tunda mu mukutu ua muthu, eie u nzumbi iaxidi. Jezú ua mu ibhula, uixi: Dijina diê, eie nanhi? Kuala muene: Dijina diami Kifuẋi, mukonda tua vulu.