Popular Bible Verses from Marku 2

Share

Jezú kia zubha ku kʼivua, uixi: Athu a disanze ki ene a bhindamena o kimbanda; kikale o jihaxi. Athu ue aiuka, ki ene u ngeza mu ku a exana kudiela, maji akua ituxi.

Jezú kia mono o kuxikana kuá, u ambela o haxi ia kila, uixi: Mona, ituxi ié ióloloke.

Anga Jezú ua ambela, uixi: O sabhalu a i bhangela o muthu; muthu ka mu bhangela o sabhalu.

O ki a sange kuila ka tena ku mu bhixila mukonda dia mundu, a muanga onzo kuthandu bhuoso bhuemana Muéne; o ki a zubha kubhanga dizungu, muanza bhuala mu katela o haxi ia kila, a u zoza ni mikolo.

Phala-phe mu kʼijjie kuma Eme ngi Monʼa Muthu ngala ni ungana mu ngongo ua kuloloka ituxi, eie u haxi ia kila: Nga ku tumu kubalumuka, u zangule muanza ué, uie ku bhata.

Kiebhi kia uabha-bhu ku ki bhanga? O kuambela haxi ia kila kuila, ituxi ié ióloloke? Inga kuila: zangula muanza ué, uie ni kuenda?

Muéne anga u balumuka, kithanganʼokio, u zangula muanza, anga u tubhuka bhu pholo ia ene oso. Ene oso anga a diuana, hé a ximana Nzambi, exi: Kienhiki kiluua tu ki mona.