Popular Bible Verses from Matesu 5

Share

Athu ue kene kuila a uika kandeia, nʼ a ka fute kitutu. Kikale a ka bhaka ku thandu a meza, ni ka muikine oso ala mʼonzo. Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Enu mu mukengeji ua mundu. Mbonge iòtunge ku thala ia mulundu, ki i xikina ku i sueka.

Azediua a zela o muẋima, ene à mona Nzambi.

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Eme-phe ngi mi ambela: Zolenu nguma jenu; a sambedienu kua Nzambi, oso a mi tatesa; benzelenu a mi bhubhidila, bhangenu mbote oso a mi zembe.

A zediua jingadiama ja muẋima, mukonda o Utuminu ua Diulu uâ ene.

A zediua akua ku luulula, a buisa jimvunda, ene a exana anʼ a Nzambi.

A zediua adila, mbata Nzambi ua kà a tululula.

A zediua oso a a talesa hadi mukonda dia kubhanga ima ia kuiuka, o Utuminu ua Diulu uâ ene.

A zediua akua henda, ene ue Nzambi u a kuatela henda.

Mua zediua enu, kia mi xinga, kia mi zukutisa, kia mi âmba ima iaibha iavulu ia makutu, mukonda diami eme. Tanenu-ku mu sanguluke! Kuma kisakidilu kienu hádia ki kala kia dikota mu diulu; mbata ni jipolofeta ja mi diangelele-ku kiene ue kia ji bhangele.

A zediua alenduka, ene a lundula ixi.

Enu muala mu môngua uaʼ xi. O môngua-phe ki u-bhua o kutouala kuê, uene au toua-hi? Ki u tena dingi kubhandulula kima, kikale a u texi, hé a u diota-diota kualʼ athu.

Kikale-phe mu zubha kutenena kala kia tenena Tata ienu uenu mu diulu.

O kudikunda kuenu-phe ku kale kua kuila: Kiene, kiene; kana, kana; kioso ki di bandekeza kuku, kima kia tundu ku Dimonho.

Enu muevu kuma a ki zuela, exi: Diesu mu diesu; dizu mu dizu. Eme-phe ngi mi ambela kuila: O dilebhu kana kubhânga na-diu. Uoso-phe u ku bhana huxi ku ditama dia kúdia, mu lunguluile ni diamukuá.

Kienhiki, o diesu dié dia kúdia, se diene diala ku ku bhalesa, lokola-diu u di texi dikanga. Mbata ujitu uê kota kutexi kidiandu kimoxi, ki ki soko ni kutexika mukutu uoso mu ifernu. Mba o lúkuaku lué lua kúdia, se luene luala ku ku bhalesa, batula-lu u lu texi dikanga. Mukonda ujitu uê kota kutexi kidiandu kimoxi, ki ki soko ni kuia mukutu uoso mu ifernu.