Popular Bible Verses from Matesu 18

Share

Mbata bhuoso bhu bhongoloka kiiadi mba kitatu mu dijina diami, eme bhene bhu ngi kala muʼ axaxi-kâ.

Lua mukuá dingi ngi mi ambela: Se mudienu mu kala kiiadi, a di xikina mu ngongo kima kioso kia bhinga, mu kusamba, kienhókio a ki bhanga kuala Tata iami uene mu diulu.

Muène anga u ixana kamona, u ka xikamesa muʼ axaxi-kâ, uixi: Ngi mi ambela kidi, muenhu uenu se u kamba kubiluka, ni mu kale uila mu anandenge, ku mua kà mona kididi mu Utuminu ua Diulu.

Uoso-phe u di tolesa kala o kamonʼ aka, muène kota mu Utuminu ua Diulu.

Uoso u tambulula, kamona mukuâ ni kaka, mu dijina diami, ua ngi tambulula eme.

Ngi mi ambela kidi, kuma ima ioso i mu kutʼenu mu ngongo, ni mu diulu i kala iòkute; ima ioso i mu jituna mu ngongo, ni mu diulu i jituka.

Ni Tata iami mu diulu, kiene kia kà mi bhanga enu, se ku miẋima ienu mu kamba kuloloka mu kidi mukuenu uoso-uoso u mi bhanga kima kiaiibha.

Uoso-phe ku tuana tutu, tua ngi xikana, u fudisa-ku kamona kamoxi ku ngi kaiela Eme, kia mu tokala o ku mu nhenga kiditadi mu xingu, ni ku mu bobesa muʼalunga mua zongo.

Enu mua fika kiebhi? Diiala se di kala ni hâma ia mbudi, anga bhu mu jimbila imoxi, muenhó u bhanga kiebhi? Manhi ka-nda kuxa o makuinhiʼ ivua nʼivua ala mù kúdia ku mulundu, nʼ aie mu sota iíi ia jimbidila?