Popular Bible Verses from Matesu 1

Share

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

O Uvadiue ua Jezú Kristu-phe, kienhiki: Mama Madiia kia kexile ua xikana kiá kukala mukaji a Zuze, kiluua-phe a di takanesa, a mu sange ni divumu dia Nzumbi Ikôla. O munumiʼê Zuze, kuma muthu uaiuka, ka mesenene ku mu ta muôndo bhu pholo ia athu, maji ua fikile kuila u mu bhana mukanda ua kusenga, ni ku mu suekesa.