Popular Bible Verses from Dimatekenu 24

Share

Anga u zuela, uixi: Eie u Jihova, u Nzambi ia muadiʼami Mbalahamu, nga diondo, ngi bhane kitakanesu kiambote mu kizuua kia lelu, o muadiami Mbalahamu u mu bhange o mbote.

kikale-phe, Ngana, kuma uoso kilumba ngi mu ambela, ngixi: Tulula disanga dié, nga ku diondo, ngi nué-ku; muene nʼa kèla: Nué, ni jikamelu jé ngi ji nuisa ue; mueniʼó a kale muene o muhatu ua mu solela selevende ié Izake; bhene bhu ngi kʼijidila, kuma muadiʼami Mbalahamu Eie ua mu bhange o mbote.

Izake anga u bheka Bebeka mu balaka ia manʼiâ Sala, anga u tambula Bebeka u kala mukajiʼê; anga u mu zola; malamba a mu sosoloka ma kúfua kua manhʼiâ.

Anga a benzela Bebeka, a mu ambela, exi: Phangʼietu uà kala u mama ia jimidi ja ndumba, mbutu ié, i tambule konda ia muelu ua jinguma jâ.

Eme ngi ku lokese mu dijina dia Jihova, Nzambi ia diulu ni ixi, kuma monʼami ku mu sotele muhatu mu ilumba iʼakuaxi ia Kaná mu nga tungu-mu; maji uia kʼoxi ietu, kuala jindandu jami, kuene ku ua kà bhenga muhatu phala monʼami Izake.