Popular Bible Verses from Dimatekenu 21

Share

Jihova anga u zungila Sala kala kia tangele; Jihova anga u bhanga kua Sala kioso kia mu ambela.

Nzambi anga uívua dízui dia kamona; anjo ia Nzambi anga u handekela Hangale; dízui dia tundu muene mu diulu, uixi: Ihi i uala na-iu, Hangale? Kana kukala ni hele ia kima; kuma Nzambi uevu dízui dia mona tundé bhuoso bhu ua mu bhake. Balumuka, mona u mu zangule, u mu kuate mu lukuaku; kuma eme nga-nda mu bhanga u kala kifuẋi kia dikota.

Sala anga uimita, u vualela Mbalahamu monʼa diiala mu uadiakimi uê, bhu kithangana kiʼòxinde, kala kia mu tangelele Nzambi.

Sala anga u amba, uixi: Nzambi ua ngi bhekela jingolela; oso ue a-nda ku kʼivua a-nda kuolela kumoxi nʼeme.

Nzambi anga u ambela Mbalahamu, uixi: Ki ki ku iibhile, mukonda dia kaiala ni mukamʼé, ioso iala ku ku ambela Sala, xikana-iu; mukonda o mbutu ijiia kua Izake iene iexana kuma mbutu ié.

Maji ni monʼa mukamʼé ue, ngi mu bhanga u kala kifuẋi, kuma muene ue mbutu ié.