Popular Bible Verses from Amarku 10

Share

E ka, Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ nga o shri esõ baŋ o di okyku o shla moarehwi.

Eyesu a ka mo tki nga a tno ma a lu mi le, Ogrogro o wo ewu okro moarehwi, ambo o wo ewu okro Ahogbrẽ mbo. Okro Ahogbrẽ ekployaŋ a mbo e kpo e gbu.

Eyesu a nyuŋ avgayi lo a lu mi le, Aŋo o yi eŋo. Obmi ba adlidzi boŋ o shaŋ ŋo. Ebuebu nga ayi baŋ a hwile nga a lu Eyesu ma.

Arehwĩ á gʼba ekplo ba Ahogbrẽ a sheŋ a kŋe a bga mbo.

Eyesu a ka ŋa la eyayi ba oklo nga a nyuŋ ŋa a lu mi le, Ekplokyekyeŋ e ra ohuhuhi boŋ o bli lo, o yi o shri angyiŋ boŋ o wo alo ma mvye o gbmo, nga o shri amgbaŋ lo o gʼba moaekŋe, okyku eshi aŋo ó hwiŋ angyiŋ Ongyeŋ, nga o ba o lu me ma.

Eyesu a zhĩ ŋa a lu mi le, Aŋo o klo me e kpo ŋo eshi? A tno Eyesu ma a lu mi le, Andakʼpo, o wo boŋ o bmi, o hwile me ayi.

Ambo ozhẽ bimi o wo ondundum. O wo ba arekyeŋ a klo a dzu anyuanyuŋ eshki bimi le, á dzu eka anwye afifi.

E gno, areyaŋ a mbo la a yga Oreŋ Ahogbrẽ eka moanwye afifi he lo mbo, á yi Oreŋ Ahogbrẽ mbo ku-ku.

Moare ba ori á dzu moa ba ambla, moa ba ambla á dzu moa ba ori.

Agimi e ka, omba ba Ahogbrẽ a zga esĩ a kpo obiŋ hi, a kpo arealom, ta la ashe. Okyku eka he o dzu omgbybi ba arealom a dzu adaŋ ta la anaŋ a zga nga a yi a pu ta la ashe baŋ. Moa aha á dzu eka moa a wo okyekyeŋ angyiŋ. Moa á gʼba emo nga mbo, moa a wo okyekyeŋ angyiŋ a mo.