Popular Bible Verses from Roma 3

Share

kogwon ŋutu liŋ a toroŋdya, lepeŋat a karakin kiden a gwe a ko kek ŋo nakwekwelen nagon ŋun ’de ’deggi na. Lepeŋ a ’dogga ŋutu ’bak ropet ko ’busan nanyit na nyaŋu anyen se gwon a lo rigwo kanyit i komor, kogwon daket nagon Kristo Yesu a dakuŋdye yi a yi gwe a lui na.

Kweja adi Ŋun a tiŋdu ŋutu i gwon a lo rigwo kanyit i komor kogwon yubbö nase na Yesu Kristo. Kine kulya a ti ŋutu liŋ tuka ’de ’bayin kwöŋ

Ŋun a kweja lepeŋ anyen rima kanyit lalaju toronjin ti ŋutu lo yubbö nye kulo. Ŋun a koŋdya sona anyen kwekiŋdya adi nye a lo rigwo. kogwon i diŋitan ti ’beron nye a teŋgu mugun a gwe a ko riŋga toronjin. iŋkoi, lepeŋ koŋdya sona anyen kwekiŋdya i na diŋit na adi nye ko mugun nanyit a lo rigwo, a nye tiŋdi ŋuto logon yuyuŋ Yesu Kristo lo i gwon a lo rigwo kanyit i komor.

Kogwon ŋuto ’bayin logon a tetenaki a lo rigwo ko ŋun i komor kogwon ’debba na Saresi, kilo Saesi tuŋ tiŋdu ŋuto i deŋdya adi nye a katoronyanit.

Kogwon a wurö adi, Lele ŋuto ’bayin logon a lo rigwo ma ’di geleŋ to. Lele ŋuto ’bayin logon kukurun kulya logon ga ’yu Ŋun. ŋutu liŋ a girara a swöt, soŋinana lepeŋat aje köŋu a gwe ’bak ’bulit; a lele gwe ’bayin lo koŋdya ’bura ma ’di geleŋ to.

Nyena i ’dutet na kulya yi a den adi ŋuto a tetenaki a lo rigwo ko ŋuro i komor kogwon yubbö ka ’de, ti gwon i ŋo nagon kilo Saresi a tuggö adi ŋutu ködyö kökon se kune.

’Diri ti gwon sona! Ŋun ’beron yeŋon a lo to ’diri, ma ’di ŋutu liŋ a ’burönök, gwoso na wurörikin na adi, Do Ŋun mo kurwe a loke ko do jajambu, do mo ’bu ’buŋu ko do a ’dunöki putet.