Popular Bible Verses from Roma 14

Share

Kogwon tumatyan na Ŋun ’bayin a kulya ti nyesu kode möju, ama a kulya ti löti lo rigwo, ko taliŋ, se ko lyöŋön nagon Mulökötyo Loke lo tindu. Ŋuto lo kitakindya Kristo sona lo tulyöŋgu Ŋun, a ŋutu pupurje lepeŋ.

Koyi gwon jörun yi gwon jörun a ti Matat, a koyi twatwa a yi twatwane a ti Matat. Nyenagon koyi gwon jörun kode twatwa yi gwon a ti Matat.

Nyenagon ti yi kepoddi ta ŋo nagon tindu ŋutu i gwon taliŋ se ko ŋo nagon gweundya gwiliŋit lo ŋutu liŋ ki.

Nyenagon ti yi köti gwe ti to ’duŋökin kulya kaŋ a ’börik, kölumbö ti yi liliundye ta adi ti yi kwöŋ gwe ti kondya nene ŋo nagon tindu luŋaser lo yubbö lo i köpukö kode i ’doro.

kogwon kulya ti Ŋun na wuro kune tuggö adi, Nan Matat lo kulya adi, ’Diri ’diri gwoso na gwoŋdi nan na, ŋutu liŋ mo rurugwuŋö köyö i komor, iŋkoi, ŋutu liŋ mo ruruk adi nan a Ŋun. Nyenagon yi liŋ geleŋ geleŋ mo totoleurukin kulya kaŋ ko Ŋun i komor.

Wuji ta ŋuto logon a lomunyan i yupet nanyit, ama an ta ko rerenya ta ko lepeŋ i kulya ti yeyeesi dyadyalesi.

Do a ŋa logon ’duŋgö kulya ti köliŋönit lo lele ŋuto? Kine a kulya ti matat lonyit logon a monye kita i ’duŋgö na kulya ti lepeŋ, kode nye gwo ’dan go kode nye a ’doro. Iŋkoi, lepeŋ ’diri mo gwo ’dan go kogwon Matat bubulö tiŋdu lepeŋ i gwo ’dan go.