Popular Bible Verses from Roma 12

Share

An ta ko kepoddu ta gwiliŋit lo na kak, ama ti yeyeosi kasu toluduköni toludukö anyen gwiliŋisi kasu leleuddya a ludukö asut; a kirut ta mo kuruŋdye adi ko ’doket na Ŋun a nyo, kweja adi ŋo nagon a na ’but, nagon tutulyöŋgu lepeŋ ko tetemakiŋdya kune.

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Lyöŋi ta lyöŋön i yeŋdu na ŋo ti Ŋun na popo. Yeoe ta ŋoŋaddu i sasanya nasu. Kwakwaddi ta kwakwaddu perok liŋ.

Ko kölökin ta toron i te ’ya na ta, ama kitani ta ko ’busan anyen te ’ya toron.

Tunyare ta tunyar ko ’börik gwoso luŋasirik, möŋi ta kugga kulye ŋutu lwölwöŋ nagon ta kugga ’börik.

Ti nyaŋu gwe a na to ’diri. Mane ta man ŋo narok, ’depakiŋdye ta go i morga na ŋo na ’but.

Ko bubulö, i ŋo liŋ nagon gwon kasu i swöt kine, gwolore ta taliŋ ko ŋutu liŋ.

Julin kwe lo nyanyara, an ta ko ropakiŋdya ta toron, kölumbö kölöki ta, ti Ŋun lo ropaki. Kogwon a wurö adi, Nan Matat a kulya adi, Kine a kulya kwe i ropakiŋdya, nan ’diri mo roropakin.

An ta ko gwon ta a yokia, kitani ta parik. Ti töilyet kasu gwe ko pusök i kitakiŋdya na Matat.

Nyena kogwon ’busan nagon Ŋun a ’doggi nan na, nan takiŋdya ta adi, ti ta liŋ geleŋ geleŋ gwe ti yeyeju ’borik adi ta a ŋutu temejik lwölwöŋ nagon ta ködyö yeyeji na, ama ti ŋutu liŋ geleŋ geleŋ yeyeji ’börik ko töilyet lo lilik gwoso i temet na yupet nagon Ŋun a tiŋdu ta liŋ geleŋ geleŋ na.

Ko ropakiŋdya ta toron ko toron. Tirikuni ta ŋo na ’but nagon ŋutu liŋ pupur kune.

Gwe ta ko yeyeet geleŋ kasu kiden. Ko bu ’ya ta ’börik adi ta a temejik ta ti bulö mora ko ŋutu kana. An ta ko yeyeju ta ’börik adi ta a lokoŋ.

Ama ko miriku ilot gwon ko magor, tiki lepeŋ kinyo ti nyesi, ko lepeŋ ko kure, tiki piŋo ti möji; kogwon ko do koŋdya sona a do mo tiŋdi kwe nanyit i yu gwoso ŋuto logon a yunaki kuk na nyonyoran kanyit i kwe.

Luŋgi ta ’boriet ko Ŋun i ŋutu logon sasaŋdu ta kilo; iŋkoi, luŋukiŋdye ta se ’boriet, an ta ko lombu ta se. Morakiŋdye ta i lyöpön ko ŋutu logon lyölyöŋi kilo, köti morakiŋdye ta i delya ko ŋutu logon dedelya kilo.

Ŋaŋi ta ŋo kasu ko ŋutu ti Ŋun logon yöŋö ŋo kilo. Dinikine ta wuju na kömu kasu midijik.

Mugun na ŋuto gwon ko swötön jore, a kilo swötön gwe ko kitajin ka ’de ka ’de. Nyena köti sona, ma ’di yi a ŋutu jore yi a mugun geleŋ ko Kristo i mugun, a yi tuparaki ko ’börik gwoso swötön ti mugun geleŋ.