Popular Bible Verses from JINGPYNPAW 3

Share

Ha khmih, nga ïeng ha ka jingkhang bad nga tied: lada uno uno ruh un ïohsngew ïa ka ktien jong nga, bad un plie ïa kata ka jingkhang, ngan wan rung hapoh ha u, bad ngan ïakhawai miet lem bad u, bad ma u lem bad nga.

“ ‘Nga ithuh keiñ ïa ki jingleh jong pha, ba pham long kaba khriat lymne kaba shit: A nga da kwah dik dik ba phan da long kaba khriat lane kaba shit! Kumta, naba pha long kaba shu syaid, khriat ruh em, shit ruh em, ngan sa prie noh ïa pha na ka shyntur jong nga.

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.

“ ‘Nga ithuh ïa ki jingleh jong pha; ha khmih, nga la buh ha khmat jong pha ïa ka jingkhang ïa kaba la plie, te uno uno ruh um lah ban khang ïa ka; naba pha don khyndiat khynsoit ka bor, bad pha la ri skhem ïa ka ktien jong nga, bad pham shym la len ïa ka kyrteng jong nga.

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.

Naba pha ong, “Nga kaba riewbha, bad nga la pynman spah, te ngam don ka jingkyrduh ei ei ruh em,” bad pham tip ba ma pha hi pha long kata kaba lanot khop, bad kaba jynjar sat, bad ka baduk, bad ka bamatlah, bad ka balyngkhuit.

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.

Ha khmih, nga wan kloi: to bat skhem ïa kata kaba pha don, ba uno uno ruh un ym shim ïa ka pansngiat jong pha.

To long pha kaba sharai, bad to pynskhem ïa kita kiei kiei ruh kiba sah, ki ban sa ïap noh: namar ngam shym shem ïa kita ki jingleh jong pha kiba la dap janai ha khmat U Blei jong nga.