Popular Bible Verses from ÏOANNIS 10

Share

U nongtuh um wan, hynrei, tang ba un ïoh tuh, bad ba un ïoh pynïap, bad ba un ïoh pynjot de: nga, nga la wan ba kin ïoh ka jingim, ba kin ïoh kyrhai ïa ka ruh.

Nga, nga long u nongaplangbrot u babha; uta u nongaplangbrot u babha u aiti noh ïa la ka jingim na ka bynta ki langbrot.

Kita ki langbrot jong nga ki sngap ïa ka ktien jong nga; ma nga te nga ithuh ïa ki, bad ki ïabud ïa nga

ma nga te nga ai ha ki, ïa ka jingim bymjukut: bad kin ym ïajot shuh lano lano ruh, lymne uei uei ruh un ym knieh kynthet ïa ki na ka kti jong nga.

Nga, nga long uta u jingkhang; lada uno uno ruh un bsut hapoh da nga, un ïohlait im, bad un ïoh leit hapoh, un ïoh mih noh ruh, bad un shem ïa ka jaka phlang babha.

Nga, nga long uta u nongaplangbrot u babha; te nga ithuh ïa la ki jong, bad la ithuh ïa nga da la ki jong.

U Kpa jong nga, uba la aiti ïa ki ha nga, u long uba kham khraw ïa baroh; bad ym don uba lah ban knieh kynthet ïa ki na ka kti uta U Kpa jong nga. Ma nga bad uta U Kpa ngi ïalong shitylli.”

Kumba U Kpa u ithuh ïa nga, bad nga, nga ithuh ïa uta U Kpa, nga aiti noh ruh ïa la ka jingim na ka bynta kita ki langbrot.

Ym don uba shim ïa ka na nga, hynrei, nga aiti noh ïa ka na lade hi: nga don bor ban aiti noh ïa ka, bad nga don bor ban shim pat ïa ka. Ïa kane ka hukum nga la pdiang na uta U Kpa jong nga.”

Namar kata, U Jisu u la ong pat ha ki, “Shisha, shisha nga ong ha phi, ba nga, nga long u jingkhang jong ki langbrot.

Hynrei, uba bylla, bad u bymlong u nongaplangbrot, ïa uba kita ki langbrot kim dei, u khmih ïa u suri ba u wan, te u iehnoh ïa kita ki langbrot, bad u phet ïap noh: te uta u suri u kem ñiat ïa ki, bad u pynsakma ïa ki.

“Shisha, shisha nga ong ha phi: u bymbsut na ka jingkhang sha ka jingker jong ki langbrot, hynrei, u da leit kiew nawei pat, uta u long uba buit'ti bad u nongtuh.