Popular Bible Verses from HEBRU 11

Share

Te ka jingngeit ka long kata ka jingsngewskhem ïa kita kiei kiei ïa kiba ngi kyrmen, kata ka jingtynjuh ïa kita kiei kiei ki bymïohi. Namar ha ka, la phla babha ïa kita ki kpa tymmen.

hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

Da ka jingngeit, ngi sngewthuh ba la thaw ïa ki pyrthei da ka ktien U Blei, ba kumta, ym shym thaw ïa kita kiei kiei ba ïohi na kita kiei kiei bapaw.

Da ka jingngeit, u Abraham haba la khot ïa u, u la kohnguh ban leit noh sha kata ka jaka ïa kaba un sa pdiang ïa ka ban long ka bynta; te u la leit noh, um da tip shaei u leit. Da ka jingngeit, u la shong basa ha kata ka ri ka jingkular, kumba ha ka ri ka bymdei la ka jong, u da shong ha ki ïingtrep lem bad u Isaak bad u Jakob, ki nongïaïoh pateng lem ïa kata kajuh ka jingkular

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

Da ka jingngeit, la pynkynriah noh ïa u Enokh ba un ym ïohi ïa ka jingïap; bad ym shym la shem ïa u, naba U Blei u la lah pynkynriah noh ïa u: namar mynshuwa kata ka jingpynkynriah ïa u, la phla ïa u ba u la pynsngewbha ïa U Blei

Da ka jingngeit, u Abel u la ainguh ha U Blei ïa ka jingkñia ba kham kor ban ïa u Kain, da kaba la phla ïa u ba u long u bahok, U Blei u da phla babha shaphang kita ki jingai jong u; bad da ka, haba u la ïap, u dang kren.

Da ka jingngeit, wat ka Sara hi ka la ïoh bor ïa ka ban punkhun haba ka la palat aïom, naba ka la ñiew uba lah ban shaniah ïa uta uba la kular.

namar u la ju khmih lynti ïa kata ka nongbah kaba don ki nongrim, kaba u nongtei bad u nongthaw jong ka, long U Blei.

Da ka jingngeit, u Moses haba u la rangbah, um treh ban khot ïa u, “u khun ka khun u Pharaoh”; u da jied pynban ban shah shitom lem bad u paidlang U Blei, ban ïa ka ban ïoh ki jingsngewbha ka pop tang shi por; u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong. Da ka jingngeit, u la iehnoh ïa ka Ijipt, um da sheptieng ïa ka jingbitar uta u syiem; namar u la ïaineh, kum uba ïohi ïa uta ïa u bym lah ïohi.

Da ka jingngeit, u Abraham ba la tynjuh ïa u, u la kñia ainguh ïa u Isaak; ho-oid, uta hi uba la lah pdiang da kaba kmen ïa kita ki jingkular, u la kñia ainguh ïa la u khun ba la kha marwei

Da ka jingngeit, ym shym la pynjot noh ïa ka Rahab ka nuti lem bad kita ki bymkohnguh, haba ka la pdiang ïa kita ki nongsyntiat da ka jingsuk.

Da ka jingngeit, ki la ïaleit lyngba ïa kata ka Duriaw Basaw kumba na ryngkew; ïa kaba haba kita ki nong Ijipt ki la pyrshang ban beh ki la ïap jyllop.

Da ka jingngeit, ki kynroh ka Jerikho ki la kyllon kram, ynda la ïaid tawiar ïa ki, hynñiew sngi.

Da ka jingngeit, u la pynlong ïa kata Ka Niam Ka Jinglait, bad ïa kata kaba synreit ïa ka snam, khnang ba uta uba pynjot ïa kiba kha nyngkong un ym ïoh ktah ïa ki.

Da ka jingngeit, u Joseph haba ka bakut jong u ka la jan, u la pynkynmaw shaphang ka jingleit noh ki khun Israel; bad u la ai hukum shaphang ki shyieng jong u.

Da ka jingngeit, u Jakob haba un sa ïap, u la kyrkhu ïa uwei pa uwei na ki khun shynrang u Joseph; bad u la mane dem, u da shan ha ka khlieh u diengduh jong u.

Da ka jingngeit, u Isaak u la kyrkhu ïa u Jakob bad u Iso, shaphang kiei kiei ki ban sa wan.