Popular Bible Verses from JENESIS 49

Share

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

“U Joseph un long ka tnat basei soh byrhien, ka tnat basei soh byrhien harud ka pukri, ki tnat jong u kin pur ïa ka kynroh. Ki nongsiat khnam ki la pynsngewsih sat ïa u bad ki la ïasiat, bad ki la behbeiñ ïa u.

Hynrei, ka ryntieh jong u pynban ka la neh bor, bad ki ksang'ti jong u ki la nang kham khlaiñ da ki kti jong U Bakhrawbor u Jakob; (nangta u long u Nongsharai, u Mawsiang jong u Israel), da U Blei u kpa jong me keiñ, u ban ïarap ïa me, bad U Badonbor Baroh, u ban kyrkhu ïa me da ki jingkyrkhu ka bneng na jrong, bad da ki jingkyrkhu kiba jylliew ba long shapoh, bad da ki jingkyrkhu ki jymbuiñ bad jong ka kpoh.

“Ma me u Judah, ki para jong me kin ïaroh ïa me: ka kti jong me kan long ha ka ryndang ki nongshun jong me; ki khun u kpa jong me kin nguh ngon ïa me. U Judah u long u khun sing: na ka jinglute, ko khun, me la wan kiew: u la dem, u la thiah kum u sing, bad kum ka sing kmie; uei u ban kyrsiew ïa u?

“U Reuben, me u khun nyngkong jong nga, ka jingkhlaiñ jong nga, bad ka jingsdang ka bor jong nga, ka jingbha tam ka burom, bad ka jingbha tam ka bor: uba kyrsoi thnam kum ka um, men ym long uba kham donnam tam; naba me la kiew sha ka jingthiah u kpa jong me; bad kumta, me la pyntngit ïa ka: sha ka jingthiah jong nga keiñ u la kiew.