Popular Bible Verses from 1 ÏOANNIS 3

Share

Ko khun hep, wat ai ngin ïa-ieit tang da ka ktien hi, lymne da u thylliej; hynrei, ha ka jingleh bad ha ka jingshisha.

Ha kane ngi la ithuh ïa kata ka jingieit, naba u la aiti noh ma u ïa la ka jingim na ka bynta jong ngi: ngi ruh, ka dei ïa ngi ban aiti noh ïa la ki jingim na ka bynta ki parabangeit.

Ha khmih phi, kaba kumno ka jingieit uta U Kpa u la ai ha ngi, ba la khot ïa ngi “ki khun U Blei”: bad kumta ngi long. Namar kane keiñ, kata ka pyrthei kam ithuh ïa ngi, naba kam shym la ithuh ïa u.

Jar uba ïai-leh ïa ka pop u long na u Soitan; naba uta u Soitan u ju leh pop naduh kaba mynnyngkong. Ïa kane khnang, la pynpaw ïa U Khun U Blei, ba un ïoh pynjot noh ïa ki jingleh jong uta u Soitan.

Uwei pa uwei baroh ba la kha na U Blei um ju leh ïa ka pop, naba u symbai jong u, u ïaisah hapoh jong u: te um lah ban ïai-leh pop, naba la kha ïa u na U Blei.

Hynrei, jar uba don ka spah ka jong ka pyrthei, bad u da ïohi ïa u parabangeit jong u ha ka jingkyrduh, bad un khang khop ïa ka jingsngewsynei jong u na u, hato kumno kata ka jingieit jong U Blei ka ïaisah ha uta?

Bad uta uba sumar ïa kita ki hukum jong u, u ïaisah ha u, bad u ruh ha uta. Te da kane ngi tip ba u ïaisah ha ngi, na uta U Mynsiem ïa uba u la ai ha ngi.

Ha kane keiñ, ki la paw kita ki khun U Blei, bad kita ki khun u Soitan. Uwei pa uwei baroh u bym ju leh ïa ka hok um long na U Blei, lymne uta u bymieit ïa la u para.

Naba kane ka long kata ka ktien ïa kaba phi la ïohsngew naduh kaba mynnyngkong, ba ngin ïa-ieit paralok hi

Phi wat sngewkyndit, ko parabangeit jong nga, lada ka pyrthei ka shun ïa phi.