Popular Bible Verses from 1 KORINTH 15

Share

Naba kumta, ko parabangeit ba-ieit jong nga, to long phi kiba ïaineh skhem, bad ki bymkynriah noh, bad kiba man kyrhai man la ka sngi ha ka kam U Trai, haba phi tip skhem ba kata ka jingtrei minot jong phi kam ju long kaba lehnohei ha U Trai.

Hynrei, ka jingnguh ïa U Blei, u ba ai ha ngi ïa kane ka jingjopthiaw da U Jisu Khrist uba U Trai jong ngi!

To wat shah ban shukor noh ïa phi; “ki jingïasyllok basniew ki ïa-pynpyut plak keiñ ïa ki akor babha”.

Hynrei, da ka jingaiei U Blei nga long kane kaba nga long: bad kata ka jingaiei jong u kaba la ai ha nga, kam shym la long lehnohei keiñ; hynrei, nga la trei minot kham tam shikatdei ban ïa ki baroh: te pynban ym ma nga, hynrei, kata ka jingaiei U Blei keiñ, kaba la don lem bad nga.

“A ka jingïap, hangno ka jingjopthiaw ka jong pha? A ka jingïap, hangno ka sni ka jong pha?” Te ka sni jong ka jingïap ka long ka pop, bad ka bor ka pop ka long ka hukum.

Ha khmih, nga ïathuh ha phi ïa ka jingmaïan: ngin ym ïohthiah baroh, hynrei, yn pynkylla ïa ngi baroh shisyndon, ha kaba shi khyllipmat keiñ, ha ka turoi ka bakhatduh. Namar ka turoi kan sawa, ynda kumta, ïa ki baïap yn pynmih pat ki bympyut, bad ïa ngi yn pynkylla.

Namar kumba da u briew la jia ka jingïap, kumta, da u briew ruh, ka jia ka jingpynmihpat ïa ki baïap. Namar kumba ha u Adam baroh ki ïap noh, kumta ruh, ha U Khrist yn pynim ïa baroh.

Namar ka dei da lei lei ïa kane kaba pyut ban phong ïa ka bympyut, bad ïa kane ka baïap ban phong ïa ka bymïap

Namar ka dei ïa u ban synshar tad ynda u la pyndem ïa ki nongshun jong u baroh hapoh ki kjat jong u. Ka nongshun ka bakhatduh ïa kaba yn sa pynduh ka long ka jingïap.