Popular Bible Verses from SALMO 139

Share

Chaykunata yachashpa almirashpa alabayki. Sukaman almirana layakunata rurashkanki. Allita yachani tukuy layata rurashkaykita.

A, Tata Dios, allita kawaway yachanaykipa allitachu manachu kuyayki nishpa. Riksiway allitachu manachu yuyaykuni nishpa. Kawaway ichará mana allikunata ruraykani nishpa. Chashna mana allita ruraptini yanapaway allita rurashpa alli ñannikita katinaynipa.

Kanmi mamaynipa wiksanpi rurawashkanki. Tukuy kuerpuynita rurashkanki.

Kuerpuyni wiñaykaptin kawawashkanki. Libruykipi tukuy chaykunata killkashkanki. Manara kawsaptinira yachashkanki mashna diyakunatami kawsasha nishpa.

A, Tata Dios, sukaman allita kawawashkanki yachanaykipa allitachu manachu ruraykani nishpa. Sukaman allita riksiwanki.

Chashna sukaman kuydawaptiki mana atipanichu Espirituykimanta pakakuyta. Ñawpaknikimanta mana atipanichu pakakuyta.

Kan yachanki tukuy ima ruranaynita. Kanmanta karupi kaptinipish tukuy yuyanaynita yachanki.

Manara nimata rimaptinira kan yachanki imatami rimanayani nishpa.

Maymanpish riptini maypipish samaptini tukuy ruranaynita yachanki.