Popular Bible Verses from MATAYO 5

Share

Kata abandu shibahafinjia itaha nibachifunishila munyungu ta, habula bachirenjekhanga khushichibi shiayo niyibakhosilia abali munzu boosi. Kho obulafu bwenywe bwashenje burio imbeli wabandu, kho mbu balole ebikhole bienywe ebilayi, nibamuhelesia senywe ouli mwikulu oluyali.

“Inywe muli shinga obulafu bweshialo. Litookho eliombakhwa khushikulu shilinyala okhulekha okhulolekha tawe.

Nabeikhabi abemioyo emieleleshe, okhuba balalola Nyasaye!

Nabeikhabi abali neinzala khandi abalibwa obuloho bwokhukhola akokhwenya khwa Nyasaye, okhuba Nyasaye alabekusia!

Nebutswa isie emuboolela mbu, muheele abasuku benywe khandi musaayile abo abamusandia

“Nabeikhabi abamanani mumioyo, okhuba obwami bwa Nyasaye nobwabwe!

Nabeikhabi abareeranga omulembe, okhuba balalangwa mbu, abaana ba Nyasaye!

Nabeikhabi abali neshibeela, okhuba Nyasaye alabalemia emioyo!

Nabeikhabi abasandibwa khulwa okhukhola akokhwenya khwa Nyasaye, okhuba obwami bwa Nyasaye nobwabwe!

Nabeikhabi abali netsimbabasi, okhuba balanyoola tsimbabasi!

“Muli neikhabi inywe abanyekwa nimusandibwa nende okhuchikhwa amakhuwa koosi amabi shichila mbu muli abaloondi banje. Mwikhoye nimusangaala, okhuba mwabishilwa omukabo omukhongo mwikulu. Shinga olwa bamusandinjia inywe bario, nolwa abalakusi abamuranjilila basandibwa bario.

Nabeikhabi abaholo, okhuba balanyoola aka Nyasaye yabasuubisia khushialo!

“Inywe muli shinga omunyu kweshialo. Ne omunyu nikuba nikutsinziba, eshiuya shiakwo shinyala okhukalusibwamwo shirie? Shikukaasila eshindu shiosi shiosi khandi ta, habula kusukunwa elwanyi, nende okhusenelwa hasi nabandu.

Khulweshio, mukhoyile okhuba abalamba, shinga olwa Senywe ouli mwikulu yesi ali omulamba.”

Noboola mbu, ‘efuchilile’, kabe butswa kario, ne noboola mbu, ‘Tawe,’ khandi kabe butswa kario. Elindi liosi liosi eliomeetakhwo okhushila ako, lirula khu Omwonooni oyo.

“Khandi mwahulila mbu kaboolwa mbu, ‘Imoni khumoni, ne eliino khuliino.’ Nebutswa isie emuboolela mbu, shiolarungakhwo omundu omumayanu eshikwoli tawe. Habula omundu nakhupaama olukhofi khuluseya olwa khumukhono musaatsa, omushiukhasilie oluseya lundi khandi akhupaame.

Kho imoniyo eyokhumukhono omusaatsa niyikhwinjisia mubwonooni, ochitsomole, mana ochisukune ehale, shichila bwakhaba obulayi okhukosia shilala khubiungobio bimubilikwo, okhushila omubilikwo kwosi okusukunwa mumulilo kulasimanga tawe. Ne omukhonokwo omusaatsa nikuba nikuchila winjile mubwonooni, okureme, mana okusukune ehale, shichila bwakhaba obulayi shilala khubiungo biomubilikwo shitibe, okhushila omubilikwo kwosi okhusukunwa mumulilo okulasimanga tawe.