Popular Bible Verses from OBUCHACHILO 39

Share

OMWAMI Nyasaye yali halala nende Yosefu ne namukhoonya okhukhola buli shindu obulayi, kho Yosefu namenya munzu ya Potifa.

Kho Potifa nalekha ebindu bia yali ninabio biosi mumakhono ka Yosefu, khadi Potifa nalateebakhwo eshindu shiosi shiosi ta, habula eshiokhulia eshia yalitsanga shionyene. Yosefu yali owelikondo lilayi khandi nomubili omulayi.

Mana omulindi womumbohe niyemekha Yosefu okhuba omukhongo wababohe bashie, khandi namukhola oukhusinjilila amakhuwa koosi akekholekhanga mumbohe omwo.

Mana omwamiwe nabukula Yosefu ne namura mumbohe, ewa ababohe bomuruchi bekalilungwa. Nebutswa OMWAMI Nyasaye yali halala nende Yosefu, namuhelesia ikhabi, mana omulindi womumbohe nachamisibwa ninaye.

Ne olunyuma lweshise shitiiti, omukhasi wa Potifa yachaaka okhwikomba Yosefu, ne namuboolela ari, “Chenda khukone ninawe.” Nebutswa Yosefu yaloba ne naboolela omukhasi wa Potifa oyo ari, “Lola, omwami wanje shiatebangakhwo eshindu shiosi shiosi munzu muno ta, okhuba isie endi hano, yalekha ebindu biosi ebia ali ninabio mubunyali bwanje. Isie endi nende obunyali munzu muno obuhela shinga obwa ali ninabwo. Ne shiyayanzikalilakhwo okhutiila khushindu shiosi shiosi munzu muno ta, okhuyiniakhwo iwe wenyene, shichila oli omukhasiwe. Ndakhakhola endie obumayanu obukhongo shinga buno nikhola obwonooni imbeli wa Nyasaye?”

Nebutswa inyanga yindi, olwa Yosefu yenjila munzu okhukhola emilimochie, omundu yesi yesi owomunzu omwo nalalimwo ta, omukhasi oyo yakwa khunguboye naboola ari, “Khukone ninawe.” Nebutswa Yosefu yelukha narula munzu omwo, nalekha inguboye mumakhono komukhasi oyo.