Popular Bible Verses from OKHURULA 2

Share

Khandi Nyasaye nahulila okhwiyiniakana khwabwe ne niyetsulila indakano eya yali niyakhola nende Aburahamu, Isaka nende Yakobo. Mana Nyasaye nalola obubohe bwabandu ba Isiraeli ne nababeelelela.

Emiyika eminji nichiwele, omuruchi wa Misiri yamala nafwa. Nabo Abaisiraeli bali nibashinyakhananga, nibeyiniakana nende okhuhaba nibenya obununuli nende okhuhabinwa. Mana Nyasaye nahulila okhuhaba khwabwe.

Mana omwana nakhula. Ne olwa yali nanuniishe, yamala amukalusilie omukhaana womuruchi wa Misiri, mana omwana oyo naba omwana womukhaana womuruchi. Naye namukulikha mbu Musa, eshifune mbu, “Emukhwesile okhurula mumaatsi.”

Naye omukhaana womuruchi namuboolela ari, “Bukula omwana uno undelele ne nasi ndilikhurunga obukholibwo.” Kho omukhasi oyo nabukula omwana oyo ne namulela.

Mana omukhaana womuruchi wa Misiri yakholomokha natsia mumwalo okhwisinga, nabo abakholibe beshikhaana nibatong'a nibachendanga khulukuku lwomwalo okwo. Ne lwomukhaana womuruchi wa Misiri oyo yalola eshikapo mushisari, yaruma omukholiwe weshikhaana okhushibukula.

Inyanga yindi olwa Musa yali niyakhulile, yatsia okhukonya abandu boluyialwe Abaheburania, ne nalola obusiro bwemilimo chiabwe. Khandi nalola Omumisiri nakhupanga Omuheburania, mulala khuboluyialwe. Musa nakhupa amashemo nahenga eyi nende eyi, ne olwa yalola mbu, omundu abulaho oumulolanga, yeera Omumisiri oyo, ne namubisa mumuyeshe.