Popular Bible Verses from Mariko 5

Share

Tolimok Yesu ngesi tama, “Nakoku, kiteyar iyong anupit kon. Kape nikaalimon tojoker ibore ni kiriebi iyong.”

Ayei neni aberu na ariaba noi ani aropiyoto ngaakot a ngikaru a ngitomon ka ngiarei, echanito aberu ngina ngimurok lukaalak. Kisunya ngesi ngaropiyae keng daang alomurok, nakaneni esikonokin edeke keng jiik towou angalekin.

Tatap ngesi echilet a eworu a Yesu sodi totubos ngaakot atipei. Toyen ngesi alotau keng atamar angaleki edeke keng.

Toting Yesu akan a ikoku tama, “Talisa koum,” ngesi atamar, “Ikoku pese, kalimokinit atamar tonyou!”

Ani eringa Yesu iruoro nguna, pot ngimeanara ngiche anawi a Yairo. Tolimokis kesi Yairo tamasi, “Atoana nakookon. Nyo ichanea iyong Eketataman nabo?” Nyekachikina Yesu ngakiro na eruorosi kesi. Sodi tolimok Yairo tama, “Nyiem tonup.”

Alimuni kongina kainyo abala Yesu, “Ekipe, tolom anitwaan kaen!”) Kingit Yesu ngesi tama, “Ngae ekiro kon?” Tatachak itwaan ngini tama, “Ekiro kang ngesi Ajore, kainyo kilalak sua!”