Popular Bible Verses from Luka 8

Share

Ngikinyam lu ealakinosi nalup naajokak ikwaan ka lu iirarete akiroit kirichakis tonupa jik a ngitai aluajokak, tanaikis jik kileereut ngakiro naajokak aloboyor kech, loger lo ekonio ekitoe ageor.

Ngikinyam lu ealakinosi lookwa ikwaan ka ngitunga lu iirarete akiroit, nakaneni ngichan a eboyor a akwap ka aminakinit ebari, nyisirichakinete kesi akiroit ngina, nakaneni tongopa ngakiro naajokak anakiroit kangina.

Ngikinyam lu ealakinosi natabab ikwaan ka ngitunga lu iirarete akiroit talakaros, nakaneni nyenupete kesi akiroit ngina lokojokon, enupete cha wadio ani enangi ngirwa lu iningere, sodi tapalikis.

Tolimok Yesu ngirukitos keng tama, “Nyaani anupit kus tokona?” Nakaneni tatalasi kesi ngakiro nguna nabo toema sodi tolimonokin make tamasi, “Ani itwaan ikoni ne en? Ikilanakini ekuwam ka ngitoroi sodi topupokis ngesi!”

Ngikinyam lu ealakinosi lorot ikwaan ka ngitunga lu iirarete, nakaneni bu Ekipe tolema akiroit alotai kech, sodi nyenupa toyuunere.

“Kainyo emam ibore ni idaitae ni nyetakanuni, kori ibore daang ni erapap ni nyileereuni sodi kimau akicha.

Toyen aberu ngina atamar nyapedori ngesi akimunon ngakiro nguna, sodi bu emarani, tadakakin kwap ngaren Yesu. Dio kisisak ngitunga daang ibore ni atapea ngesi Yesu, ka eger lo angalekinio ngesi atipei. Tolimok Yesu ngesi tama, “Nakoku, kiteyar iyong anupit kon. Kape nikaalimon.”

Toloto ngirukitos a Yesu nikeng kitokienyut ngesi tamasi, “Ekapolon! Ekapolon! Dikino sua kimunyar.” Tonyou Yesu kikilak ekuwam lo akutunit ka ngitoroi lu akuunito. Toper ekuwam tachakin wadaang chek.