Popular Bible Verses from Yoana 16

Share

Kalimok ayong esi nugu sodi kisileta ani irauneta esi ngipei ka ayong. Kiboliatar esi ngitunga a akwap. Nakaneni totitinyoketa! Epiu ayong ngakiro a akwap!”

Na ebunio Etau a Akuj lo idodiuni ngakiro na iteni a Akuj, kiteyenuni ngesi esi ngakiro daang na iteni. Nyiruoro ngesi naeraakasi ngakeng a ilope, kilimokini esi na eira ngesi, nabo kilimokini esi ngakiro na eponito.

Emam ibore ilipasi esi ilimito ekiro kang tanang tokona, kilipas nakaneni ianyunete sodi kitemokin alakara kus.

Nakaneni kalimokinit ngakiro na iteni dir atamar ejok anikus alosi ayong, kainyo ani pekalot ayong, nyebuni Ekengarakinan nikus. Nakaneni ani kalot ayong, ameuni ayong ngesi nikus. Ani kebu ngesi, idodikini ngitunga a akwap atamar ichwangakinito kesi ngakiro a akisech, ka ngakiro na eteniyete ta ngakiro a eriras a Akuj.

Ikote ngakiro neni anikus, ialolongete esi tokona, nakaneni kaanyuni ayong esi nabo, sodi talakaros ngitai kus noi, alakara ngina, emam itwaan epedori alemar anikus. “Naenangea akolongit ngina, emam ibore kilipete esi ayong. Kalimokinit ngakiro na iteni dir atamar, kiinakini esi Apa ibore daang ni ilipete esi ilimito ekiro kang.

Kalimokinit esi ngakiro na iteni dir atamar ikalounete esi tosutonokis, nakaneni elakarosi ngitunga a akwap, emini esi esinyoi, esi nakaneni ibelo asinyit kus toliwor alakara.