Popular Bible Verses from Ngitichisio 20

Share

Anakiro kanguna kadaang, kedodik ayong esi atamar ejoikinit isubete etich kingarakineta lu ichanasi. Kitamutu ngakiro nakolong alimuni Ekapolon Yesu ebala, ‘Ejok noi akipotor idwangit akidiaun!’ ”

Nakaneni epasakinit ayong akiyar kang, ibore ni eitanit ayong noi ngesi arumor etich lokolong kedodikini Ekapolon Yesu atamar atosub. Etich ngolo ngesi alimor Ngakiro Naajokak a ajokis a Akuj.

Kirichunos esi make. Kirichutu tani ngitunga a ekanisa lu kitaanyu esi Etau a Akuj sodi tochoikis. Tochoikisi ngitunga a ekanisa a Akuj lu aanyuni ngesi kotere akitu a Lokookeng.

“Kemiekinea tokona ayong esi Akuj na kichoikini esi. Kemiekinea tani ngakiro na ajokis keng na eraakasi kesi kitogogongete esi sodi kirumeta apiaro aapei ka daang lu etoseg Akuj.