Popular Bible Verses from Ngitichisio 2

Share

Tolimok Petero kesi tama, “Ejoikinit ipei kus daang elungi ngasechesea keng sodi kibatisae a ekiro a Yesu Kiristo sodi kitorimakin ngasechesea kus, sodi taanyuneta esi ainakinet a Akuj, ngesi Etau a Akuj.

Torubakis kesi daang epupete ngakitatamet a ngimeanara ka aponenere lokiriam a ngikanupak ka anyameenen akimuj a ngikanupak ta akilipeenen.

Kilelebun kesi daang Etau a Akuj tolomakis ekiruor a ngabukui a ngagelagelae loger lo edodikinitor kesi Etau a Akuj.

Sodi kiirasi atipei ibore eruuno anadis ni ekoni ekuse a ekuwam a loapolon, sodi tokeikin wadaang a akai ana ebooyoto kesi. Taanyungasi kesi ngiborei lu ekote ngasarae a akim epetarosi pena nakies a ngitunga kadaang. Kilelebun kesi daang Etau a Akuj tolomakis ekiruor a ngabukui a ngagelagelae loger lo edodikinitor kesi Etau a Akuj.

Ngirwa daang eriameenete kesi kai a Akuj, nabo emujeenete kesi aapei anawiyei kech. Emujete kesi elakara noi nabo peamonitotor ngamuja kech, epuruunito kesi Akuj, nabo tominakinito ngitunga daang. Ani akolongit daang, kiatanak Ekapolon natiakaru kech ngulu ayuununio.

‘Ebala Akuj, ngirwa lu esal, abukokini ayong itwaan daang Etau kang. Ngide kus, lusapa ka lupesur, edwarete. Eanyungarete ngisorok kus ngakisingolikinet a Akuj, Irujaate ngikasukou kus.

Torubakis ngikanupak eraakasi ngipei, ekorete ngiboro kech daang. Togielanasi kesi ngibaren ka ngiboro kech, totiakanakinae ipei kech daang ngaropiyae, etiae lo iitanit ngesi.

Sodi ani itwaan daang ni ilipi enyarit ekiro a Ekapolon Akuj, eyuunio.’

Isirionio akolong chuch, erenger elap puu kikok ngaakot, eringa akolongit naketubulon a Ekapolon nyenanga.