Popular Bible Verses from Ngitichisio 17

Share

Ekokini ngesi neni sodi tasaketa kesi Akuj, dio kiyookinotor erai itwangete esakete ngesi. Tani ikoni neni dang, nyelona Akuj aniyok kadaang

Asubuni ngesi ngibukui daang a ngitunga anitwaan a ipei sodi kitolom kesi lowaitin daang a akwap. Aree kolong ngesi ekingaren etiae a ngikaru kech ka ngiwaitin lu elomete ngibukui.

Akuj nakolong asubi akwap ka ibore daang ni eyei nakwap, kona eraakar ngesi Ekapolon a adis ka ngalup, nyibooyi anakais ana edukete ngitunga.

Kainyo aseu ngesi akolongit na irira ngitunga daang a akwap alorot alo eriyan. Erai itwaan ni aseu ngesi irirae ngitunga a akwap. Etunup ngesi ngitunga daang ngakiro nguna ani eteyarunea itwaan ngini!”

Kona kiraakar ngoni ngalesea a Akuj, nyejoikinit ngoni kitami atamar kori ikoni Akuj egolit, kori akwangat na elalak ngaropiyae kori amoru na itiakitae a ekunonoonu ka aosou a ngitunga.