Popular Bible Verses from MARIKO 11

Share

Khulweshio emuboolela mbu, shiosi shiosi eshiamusaba, mumasaayo, suubile mbu mumalile okhushinyoola, ne shilaba eshienywe.

Emuboolela toto mbu, omundu yesi yesi oulaboolela eshikulu shino mbu, rula hano, okwe munyanza, nalakanakania mumwoyokwe ta, ne asuubile mbu aka aboola ketsa okhwikholekha, alakholelwa ario.

Ne buli olwa musinjila okhusaaya, muleshelane nimuba nimuli nelikhuwa khumundu yesi yesi. Naye Senywe ouli mwikulu yesi khandi alamuleshela obumayanu bwenywe.” [

Mana Yesu nakalusia nababoolela ari, “Mube nobusuubili mu Nyasaye.

Mana niyechesia abandu, nende okhubareeba ari, “Shikahandikwa mumahandiko mbu, ‘Inzu yanje yakhalangwe mbu inzu yokhwinamilamwo Nyasaye, eya amahanga koosi,’ ta? Nebutswa inywe muchikholile okhuba imbinga yabanuuli!”

Nabo abamwimilila, nende abamuloondakhwo boosi bachinga olukhu nibalanjilisia nomwoyo omukhongo bari, “Hosana, noweikhabi owitsa muliira elia Omwami!

Buli neikhabi Obwami bwa kuuka wefwe Daudi, obitsanga! Hosana ikulu mwikulu!”