Popular Bible Verses from YOHANA 19

Share

Olwa Yesu yanywa idivai eyo, yaboola ari, “Kahwele!” Mana niyenamia omurwekwe hasi, ne nafwa.

Yesu yali namanyile mbu, bulano amakhuwa koosi kahwele. Ne khulwa okhuusia Amahandiko, yaboola ari, “Endi nobuloho.”

Olwa Yesu yalola nyinamwana nende omwechiwe wa yaheela nibasinjiileho, yaboolela nyinamwana ari, “Lola, omwanawo ngwoyu.” Mana naboolela omwechi oyo ari, “Lola, mamawo ngwoyu.” Ne okhurula olwo, omwechi oyo yabukula Mariamu natsia ninaye ingowe, ne namenyayo ninaye.

Nebutswa olwa boola khu Yesu, nibanyoola mbu, amalile okhufwa. Kho shibafunaka ebilenjebie tawe. Nebutswa mulala khubelihe abo yafumira Yesu lifumo mumbafu, mana amatsayi nende amaatsi nibirulamwo.

Ako kekholekha kho mbu, Amahandiko koosibwe akaboolanga mbu, “Libulaho kata elala khumakumbake elilifunakwa tawe.” Khandi Amahandiko kandi kaliho akaboolanga mbu, “Abandu balihenga khu owabafumiire.”

Mana Yesu narula elwanyi welitookho, nachinjile omusalabakwe. Ne niyoola habundu ahalangwa mbu, “Eshihanganga,” Muluheburania ahalangwa mbu, “Goligotsa.”

Nabo abelihe nibalukha olusimbi lwamahwa, nibamufwala khumurwe. Khandi nibamufwala ikanzu yobukondo bweisambarau.