Popular Bible Verses from Mat. 7

Share

“Saba, ne mulaebwa, yiima, ne mulanyoola; khong'oonda, mala mulekulilwao.

Yesi yesi osaba aebwa, ne oyo oyiima anyoola, ne okhong'oonda ekulilwao.

“Nono buli mundu oulila kamakhuwa kase kano ne khukakhola alaba nga omukesi owombakha enju khu lwanda

“Nono siosi siosi nisio mwenya muli babaandu bamukholele enywe; bakholele murio, sikila lino nilio sifuno sie Lilaka lia Musa ne kamekisio ke bang'oosi.

Engila echa mu bulamu ebirira mu silibwa sinyiki ne bakibona bali bakeekhe.

“Yingilila mu silibwa sinyiki, sikila engila echa mu khubuna ebirira mu silibwa sibalaayi, ne mala lukeendo lwakhwo luli lulwangu, ne bakibirirakho bali bakali.

Kaaba bali enywe muli bamayaanu, mumanyile khuana biianwa bilayi khu baana benywe Raraawenywe oli mwikulu alaana bibiindu bilayi bikali lukali khwaabo bamusaba!

“Mukhakhalakila babaandi tawe, mwesi mukhakhola murio mwakhalakilwa tawe. Sikila mulakhalakilwa khuloondekhana ne likhalaka nilio murumbura, lundi sikelo nisio mukelelamo mwesi mulakelelwamo.

“Ne kakhali buli mundu oulila kamakhuwa kase kano ne khulekha khukakhola aliba nga omusilu owombakha enju yewe mumuyekhe.

Siina sikila ne obona khasosono khaali mumoni eya wandaayo, ne se obona lilindu lili mumoni yowo wamwene tawe? Namwe olaboolela wandaayo oriena oli, ‘Lekha khurusie khasosono mumoni yowo,’ ne khane lilindu lili mumoni yowo wamwene?

“Ba meso khulwe bang'oosi be bubeeyi babeecha niio muli ne befwarire kamasieelo ke kamakheese, ne mukari bali bisuuche bie kumuliuliu. Mulabamanyila mu bikholwa biabwe. Babaandu babutangakho chisabibu khu binyenya, namwe chinduli khu marakaru ku?

“Khwako buli kumurongooro kumulayi kwaama kamatuunda kamalayi ne kumurongooro kumubi kwaama kamatuunda kamabi.

Kumurongooro kumulayi se kunyala kwaama kamatuunda kamabi tawe, namwe kumurongooro kumubi se kunyala kwaama kamatuunda kamalayi tawe.

Kumurongooro kwosi kwosi kukhaama kamatuunda kamalayi tawe, kuremwa ne khumwaatwa mu mulilo.