Popular Bible Verses from Mathayo 24

Share

Nikech timbe maricho nomedre, hera mar ji mangʼeny nodok mangʼich, to ngʼat ma ochungʼ motegno nyaka giko ema noresi.

Kendo Injilini mar pinyruoth noyal e piny duto mondo ongʼad bura ne ogendini duto, eka giko nobi.

Unuwinj kuom pinje magore koni gi koni kod humbe mag lwenje, to neuru ni kik kibaji gou. Gik ma kamago nyaka timre, to giko piny to pod ni nyime.

Oganda noked gi oganda machielo, kendo pinyruoth gi pinyruoth machielo. Kech nobedi kuonde mangʼeny kendo piny noyiengni kuonde mopogore opogore. Magi duto nobed mana chakruok mar muoch makecho.

Polo gi piny norum, to Wechena ok norum ngangʼ.

Nimar ji mangʼeny nobi e nyinga ka hedhore ni, ‘An e Kristo,’ kendo giniwuond ji mangʼeny.

“Eka nochiwu mondo osandu kendo onegu, kendo ogendini duto nochau nikech an. E kindeno ji mangʼeny nolokre mawe yie kendo ginindhogre ka gichare kendgi, bende joma wuondore ni gin jonabi to ok gin nobi mangʼeny kendo giniwuond ji mangʼeny.

Yesu nodwokogi niya, “Beduru motangʼ mondo ngʼato kik wuondu.

Kamano bende e kaka un bende onego ubed moikore, nikech Wuod Dhano biro biro sa ma ok ungʼeyo.

“Omiyo ritreuru nikech ok ungʼeyo chiengʼ ma Ruodhu nobie.

“Onge ngʼato mongʼeyo odiechiengno kata sa, obed malaike manie polo kata Wuowi, makmana Wuoro kende.

Nimar joma wuondore ni gin Kristo to ok gin kod joma wuondore ni gin jonabi to ok gin nothinyre mi tim ranyisi kod honni madongo mondo giwuondgo koda ka joma oyier, ka dipo mano ditimre.

Mana kaka notimore e ndalo mag Nowa e kaka nobedi chiengʼ ma Wuod Dhano nobi. Nimar e ndalo mane pok pi opongʼo piny, ji ne chiemo kendo metho, bende negi kendo kendo ikendogi, nyaka nochopo odiechiengʼ mane Nowa odonjo e yie, kendo onge gima negingʼeyo kuom gima ne biro timore nyaka pi nobiro moywerogi duto. Kamano e kaka nobedi e biro Wuod Dhano.