Popular Bible Verses from Salmo 119

Share

Palabraykiqa atskinömi kaykan. Maypa aywaptïpis atskipämaqnömi kaykan.

Jutsata rurar contrayki mana kanäpaqmi palabraykita shonqücho imaypis yarparaykä.

¿Imanöparaq jutsa rurayta mözu kacharinman? Jutsa ruraytaqa kacharinqa palabraykita cäsukurmi.

Kushishqami kawarkaykan Tayta Dios ordenashqankunata cumpliqkuna. Paykunami lapan shonqunwan payta ashipäkun.

Qammi kanki pakakunä y tsapämaqnï escüdü. Promitimashqaykimanmi imaypis yärakuykä.

Leynikikunata cäsukunäpaq tantiyaykatsilämay. Tsawraqa lapan shonqüwanmi cumplishaq.

Ordenashqaykikunata ruranäpaq yarpaykatsilämay. Ama kachapaykamaytsu suwakuypa rïcuyänätaqa.

Nakarpis alipaqmi nakashqä. Tsaynöparaqmi estatütuykikunata cäsukunäpaq tantiyakushqä.

Promitimashqaykikuna imaypis shakyätsimanmi. Tsaynöpami lakishqa kaykaptïpis consulamanki.

Mandamientuykikunata cumplinäpaq yanapaykalämay. Cumplirmi kushishqa kawashaq.

TAYTA DIOS, estatütuykikunata yachaykatsilämay. Yachatsimaptiki wanunäyaqmi cumplishaq.

Lakikuylawannami uyutarküpis. Palabraykiwan shakyaykatsilämay.

Leynikikunataqa lapan shonqüwanmi kuyä. Tsaykunapaq yarpachakuykarmi qoyarküpis.