Popular Bible Verses from Marcos 13

Share

Noqaman yärakamashqaykipitami pïmaypis chikishunkipaq. Tsayno chikishuptikipis wanunaykiyaq yärakamashpaykiqa salvashqami kankipaq.

¡Mayaq mayaqla karkaykay! [Tayta Diosta manakäriy.] Manami musyapäkunkitsu imay kutimunanpaq kashqantapis>>.

<<Autoridäkunaman apashuptikipis ama lakikärinkitsu <¿imataraq nishaq?> nishpayki. Tsay hörami imata parlanaykipaqpis Espíritu Santu tantiyatsishunkipaq. Manami kikikikuna yarpashqaykitatsu parlapäkunkipaq, sinöqa Espíritu Santu tantiyatsishushqaykitami.

Jana patsa y kay patsa ushakaptinpis noqa nishqäkunaqa manami ushakanqatsu.

<<Runapa Tsurin imay junaq imay höra kutimunanpaq kashqanta manami jana patsacho kaykaq angilkunapis ni Diospa Tsurinpis ni pï runapis musyantsu. Tsaytaqa Taytalämi musyaykan.

Guërra kaptinpis y guërra kananpaq kashqanta mayarpis ama mantsakäriytsu. Puntataqa tsaykunaraqmi kanqa. Tsayno kaptinpis kay patsaqa manaraqmi ushakanqaraqtsu.

Tsaymi kamarikushqalana karkaykanki. Manami musyapäkunkitsu wayiyuq imay kutimunanpaq kashqantapis. Patsa tsakaykashqan höratsuraq, pulan paqas höratsuraq, walpa waqay höratsuraq o patsa waraytsuraq chayamunqa. Mana yarpashqayki höra kutimur paqta punurkaykaqta tarishunkiman. Manami qamkunalatatsu niykä, sinöqa lapan runakunatami. Tsayno wilapaykaptïqa mayaq mayaqla karkaykay>>.

Juk nacionmi juk nacionwan guërrata ruranqa y juk marka runakunami juk marka runakunawan wanutsinakunqa. Tsaynölami terremötu maytsaychöpis kanqa. Muchuypis pasaypami kanqa. Tsay nakaykunaqa kanqa qalaykunalanraqmi.

Manaraq kay patsa ushakaptinmi maytsay nacionchöpis noqapita wilakärinqa.

Atskaqmi jutïcho shamunqa <noqami Cristo kä> nir. Tsayno nirmi atska runakunata engañapäkunqa.

<<Cuidakäriy. Chikishushpaykimi prësu tsarirkur autoridäkunaman apapäkushunkipaq. Sinagögakunachöpis astapäkushunkipaqmi. Noqaman yärakamashqaykipitami gobernadorkunamanpis y reykunamanpis prësu apapäkushunkipaq. Tsaynöpami wilakuynïta paykunatapis wilapanki.

Tsay witsanmi Cristo tukuqkuna y lula profëtakunapis yurimunqa. Runakunata criyitsinan kashqami espantaypaq milagrukunatapis ruranqa. Tsayno rurarmi Tayta Dios akrashqan runakunatapis engañayta munapäkunqa.

<<Fiyupa nakaykuna pasarkuptinmi intipis tsakakäkunqa, killapis atsikyämunqanatsu, qoylarkunapis shikwamunqa y jana patsapis siksikyanqa.