Popular Bible Verses from Mateo 3

Share

Jutsaykikunata rasunpa kacharishqa karqa Tayta Dios munashqannöna kawapäkuy.

Tsaynöpis jana patsapita Tayta Dios kayno nimurqan: <<Payqa kuyay tsurïmi. Paypitami kushishqa kaykä>>.

Bautizakurir yakupita yarqaykämuptinmi jana patsa kichakämurqan. Tsaychömi Jesús rikarqan Espíritu Santu palumano urämur jananman rataykaqta.

<<Jutsa rurayta kacharir Tayta Dios munashqanno kawanaykipaqmi yakuwan bautizä. Qepäta shamuq kaqmi itsanqa Espíritu Santuwan y ninawan bautizapäkushunkipaq. Noqapita mas munayniyuq kaptinmi mana välïtsu lanqinta apapänaläpaqpis.

Mana wayuq yörakunata sapipita muturir ninaman qaykuqnömi jutsa ruraqkunata castigananpaq Tayta Dios kamarikushqana kaykan.

Tsayno wilakunanpaq profëta Isaías qelqashqanchömi kayno nin: <<Juk runami chunyaq jirkacho qayaraypa wilakur kayno niykan: <Tayta Dios shamunanpaq nänita altsapäkuy. Wenqu nänikunata derechapäkuy> >>.