Popular Bible Verses from Lucas 14

Share

<<Pipis discïpulü kayta munarqa mamanta, taytanta, warminta, tsurinkunata, wawqinkunata, paninkunata y kikinpa vïdanta kuyashqanpita noqata mas kuyamätsun. Tsayno mana kuyamarqa manami discïpulü kanmantsu.

Cruzninta apaqno mana qatirämarqa manami discïpulü kanmantsu.

Orgullösu kaqkunaqa penqayman churashqami kanqa. Humildi kaqkunami itsanqa aliman churashqa kanqa>>.

Tsaynölami mayqaykipis noqa rayku imaykikunatapis mana kacharirqa discïpulü kankimantsu>>.

<<Mayqaykipis wayita ruranaykipaqqa shumaqraqmi yarpachakunki qellayniki aypashqanta o mana aypashqantapis. Cimientuta ruraykular kachariptikiqa lapan rikaqkunami jamurpäshunki kayno nir: <¡Kay runaqa manapis puëdiykarmi wayi ruratsiyta qalaykatsishqa!>

Tsaypa trukanqa qayatsinki waktsakunata, ushukunata, weqrukunata y qaprakunata. Paykuna mana kutitsishuptikipis ali ruraq runakuna kawarimushqan junaqmi Tayta Dios kutitsishunkipaq>>.

<<Kachiqa alimi kaykan. Qamyakäkurmi itsanqa imapaqpis mana välinnatsu. Chakrapaqpis ni chulpapaqpis manana väliptinmi jitariykuntsina. ¡Rinriyuq kaqkunaqa nishqäkunata wiyakäritsun!>>