Popular Bible Verses from Lucas 12

Share

Tsaynöla qamkunapis kamarikushqala karkaykay. Mana musyashqayki hörami elaqpita Runapa Tsurin shamunqa>>.

Tsaypa trukanqa Tayta Dios mandaykashqancho kawapäkunaykipaq yarpachakäriy. Tsayno kawapäkuptikiqa imata munashqaykitapis kamaripäshunkimi.

Nirkur runakunata kayno nirqan: <<Paqta imaykapaqpis codiciösu kapäkunkiman. Ali kawayqa manami imaykayuqpis kaptikiraqtsu kaykan>>.

Maychömi riquëzayki kaykan tsaylamanmi shonquykipis yarparaykanqa.

<<Mayjina yarpachakurpis ¿piraq juk kuchus maslatapis winarkunman?

Nirkurnami discïpulunkunata Jesús kayno nirqan: <<Ama yarpachakäriytsu kayno nir: <¿Imanöraq kawashaq? ¿Imataraq mikushaq? ¿Imataraq jatikushaq?>

Aqtsaykipis paypaqqa yupashqalami kaykan. Qamkunaqa tsaytsika pishqupitapis masmi välipäkunki. Tsayno kaykaptinqa ama mantsakäriytsu.

<<Kuyashqäkuna, walka uyshanöla karpis ama lakikäriytsu. Qamkunatami Taytayki akrashushqanki pay mandaykashqancho kawapäkunaykipaq.

Shumaq tantiyakäriy pishqukuna imano kawashqantapis. Paykunaqa manami murukuntsu ni cosechantsu ni pirwakuntsu. Tsayno kaykaptinpis Tayta Diosmi mikuyta kamaripan. Tayta Diospaqqa pishqukunapitapis masmi välipäkunki.

<<Tsayno kaykaptinqa ama lakikäriytsu: <¿Imataraq mikushaq? ¿Imataraq upushaq?> nishpayki.

Janan shonqula yärakuq runakuna, wara warantin rupatsishqa kananpaq kaykaptinpis qewakunata kuyaylapaqta winaykätsirqa ¿manatsuraq qamkunatapis munashqaykita Tayta Dios kamaripäshunki?

Imatapis pakaylapa rurashqankunaqa rikakanqami. Pipis mana rikaykaptin rurashqanpis lapanmi musyakanqa.