Popular Bible Verses from Génesis 27

Share

Qam taykashqaykimanqa Tayta Dios tamyaykatsimutsun. Shuntaytapis mana atipashqaykiyaq murushqayki wayuykulätsun. Trïguykipis vïnuykipis tsaytsika kaykulätsun. Qamtaqa atska runakunami sirvishunki. Tsaynöpis lapan nación runakuna nawpaykiman qonqurpakamutsun. Ayluykikunapis munaynikicho katsun. Paykunapis nawpaykiman qonqurpakamutsun. Qamta maldicionashuqnikiqa maldicionashqami kanqa. Bendisishuqnikiqa bendisishqami kanqa>>.

Tsawraqa Esaú kayno nirqan: <<Tsayno kaptinchari Jacob jutin kananpaq churaparqayki. Kananwanqa ishkay kutinami engañaman. Nawpatapis qechpa kay derëchüta qechumashqa. Kanan noqapaq kaq bendicionta chaskishqa. ¿Manaku walkalapis bendición noqapaq kanraq?>>

Tsawraqa Esaúta Isaac kayno nirqan: <<Mikuy mana wayushqan chakracho y tamya mana kashqanchömi tankipaq. Espädaykiwan defiendikurmi kawankipaq. Wawqikipa munayninchömi kankipaq. Tsayno karpis munayniyuq rikakurmi makinpita yarqukunkipaq>>.

Tsawraqa Esaúqa yapay kayno nirqan: <<Noqapaqqa ¿manaku juk bendicionlapis kan, papä? Noqatapis bendicionta qoykalämay, ari>>. Tsayno nirmi pasaypa qaparayparaq papäninta waqaparqan.