Popular Bible Verses from Luka 4

Share

«Bua gba Ngámá-a bhʉ́ dabɨlɨ bini ne ma. Anɨ abhʉ ma ngʉ́ nanʉ nakpokpo Bádha Ngali pɨ obhʉlʉ ndɨbhɨlɨ. Anɨ atima ma ngʉ́ natobhɨla pɨ obalise me, u azé bhʉ́ bali gba o-o maze, pɨ okpála ɨ u ’kpɨ́ de-e me, u aú matá ’kpɨ́ mau. Anɨ atima ma di ngʉ́ napandja obhende bhʉ́ mbolo sa ’kpa obhende ngato mbolo lɨ uo-o. Ngama-a, ma akpókpo pɨ okpála me nedhɨnga ɨnde lɨ Ebhe adjé ndjinga uo lɨe akolo.»

Yesu atsia agie pɨ anɨ me: «Eli gba Ebhe-e apa me: ‹Dhɵgɵ Ebhe Ngámá gba mʉ, amba mʉ toko bha bini anɨ kpi e kpi.›»

Yesu agie pɨ anɨ me: «Eli gba Ebhe-e apa me: ‹Kpála kóbho bha bini ka ezʉ de.›»

Pɨta lɨ Yesu abedhe lɨe ne Bu Bhobua-a , anɨ ayie lɨngo ’ngu na Djʉlʉdanɨ, Bu Bhobua atsia amba bhʉ́la anɨ abhʉ́ mili bɨlɨ.

Yesu atsia agie pɨ anɨ me: «Eli gba Ebhe-e apa la di me: ‹Mo olé Ebhe Ngámá gba mʉ-o de.›»

Pɨta lɨ Djabʉlʉ andjia nale Yesu lɨe ne ndʉ kpadjɨ hana-a, anɨ atsia ao ka anɨ ngʉ́ nadjeke nedhɨnga koko.

Djabʉlʉ aha anɨ, anʉ ne anɨ apɨ́ ’ta. Anɨ asuno ndʉ ondende na doto pɨ anɨ hana, bhʉ́ nedhɨnga bedɨ bhomʉ. Anɨ atsia apa pɨ anɨ me: «Ebhe aha ndʉ angu, ne otɨa na ondende bhomʉ-o hana mʉma. Ma tɨ da nahaha pɨ kpála ɨnde ma akʉnda nahaha pɨ e. Ɨ dʉ me mʉ nde akikita lɨpʉkʉ mʉ kuto kala ma-a, ma ahá ndʉ angu ne otɨa na ondende bhomʉ-o hana pɨ mʉ.» Yesu atsia agie pɨ anɨ me: «Eli gba Ebhe-e apa me: ‹Dhɵgɵ Ebhe Ngámá gba mʉ, amba mʉ toko bha bini anɨ kpi e kpi.›»

Pɨpɨta-a, Djabʉlʉ aha anɨ, anʉ ne anɨ abhʉ́ Yelusalema. Anɨ ao anɨ apɨ́ tulundjɨ ’ngbé ’tɨ Ebhe gba omaYuda, anɨ atsia apa pɨ anɨ me: «Ɨ dʉ me mʉ nde bha ndjʉ ne Ndɨlɨ gba Ebhe-e, ulu, mʉ kɵ kuto, anga eli gba Ebhe-e apa me: ‹Ebhe ahá lɨ́lɨ pɨ oandjelu gba e me, u lila mʉ. › La di matá: ‹U abɨ́ mʉ sa ’kpa o, amba mo otʉ́ ’dhʉ mʉ lɨ teme de.›» Yesu atsia agie pɨ anɨ me: «Eli gba Ebhe-e apa la di me: ‹Mo olé Ebhe Ngámá gba mʉ-o de.›»