Popular Bible Verses from BU HKAWM 22

Share

Shaloi Yehowa dai lawze a n-gup hpaw ya wu ai rai nna, lawze dai gaw, “Nang ngai e masum lang du hkra kayat na gaw, ngai nang hpe hpa di de ta?” ngu nna Balam hpe tsun wu ai.

Shaloi Yehowa Balam a myi hpaw ya wu ai rai nna, Yehowa a lamu kasa nhtu shachyen lang let tsap nga ai gaw shi mu wu ai: shaloi shi abaw gum nna dingnyawm dagup nga ai.

Yehowa a lamu kasa mung, “Na a lawze hpe hpa rai masum lang kayat wu ta?” yu u, nang sa wa ai lam ngai hte nhtan shai lit dai majaw, nang hpe ban shadang na ngai pru sa ring ngai

Bai dai lawze gaw Balam hpe, “Ngai gaw ya du hkra nang tut a jawn nga ai na a lawze rai nga nngai, n rai ni? Ngai nang hpe galoi dai zawn rai yu de ta?” ngu nna san wu yang, Balam gaw, “N rai yu ndai,” ngu wu ai.

Balam gaw, “Nang ngai e shatu chyai nga ndai: ngai nhtu hpye taw gaw nang e ndai yang htau kau na de ai,” ngu nna lawze hpe htan wu ai.

Lawze dai mung Yehowa a lamu kasa hpe bai mu jang, Balam jawn nga ninglen hpum mat wu ai: Balam chyawm gaw masin pawt bu nna, shi a dawhkrawng hte dai lawze hpe kayat wu ai.