Popular Bible Verses from MARKU 2

Share

Yesu dai hpe na wu yang, “N-gun ja ai ni tsi sara n ra ma ai, machyi ai ni sha ra ma ai; dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu nna shanhte hpe tsun mu ai.

Yesu gaw shanhte a kamsham ai myit mu jang, Sha e, na a yubak dat kau ya sade ai, ngu nna katsing si ai wa hpe tsun wu ai.

Bai shi gaw, “Laban nhtoi gaw masha a matu tai wa sai, masha chyawm gaw laban nhtoi a matu tai wa lu ai n rai

Masha wunawng chyat nga ma ai majaw, dai wa hpe shi hpang de n jashawn lu jang shi rawng nga ai nta magap hpe shanhte kayen kau mu ai rai nna, dai hpe tawk waw nhtawm, katsing si ai wa hpe yup rai hte nawng shayawn dat mu ai.

Rai timung, Masha Kasha gaw, ga ntsa e, yubak dat kau ya ai ahkang aya lu ai gaw, nanhte chye nga myit ga,” dai hkum katsing si ai wa hpe, “Nang hpe ngai tsun de ga, ‘Rawt u, na a yup rai hpe la nna, na a nta de wa nu,” ngu nna tsun wu ai.

Dai katsing si ai wa hpe, ‘Na a yubak dat kau ya sade ai;’ shing n rai, ‘Rawt u, na a yup ku hpe la nna hkawn wa nu,’ ning ngu tsun ai ga yan hta gara mahtang grau tsun loi a ta?

Shaloi jang shi rawt nna, shi a yup rai hpe lang let, mahkra a man e pru wa ai; dai majaw nlang hte gaw mau mahka nga ma ai rai nna, Karai Kasang hpe shakawn kungkawn let, “Anhte galoi mung, dai zawn re ai n mu yu ga ai,” nga ma ai.