Popular Bible Verses from MAHTE 15

Share

N-gup hta na pru wa ai mahtang gaw, myit masin hta na byin pru ai rai nna, dai hte gaw masha hpe awu asin di kau wu ai. Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

n-gup de shang wa ai arai gaw, masha hpe awu asin di kau lu ai n rai; n-gup hta na pru wa ai mahtang gaw, masha hpe awu asin di kau nga ai,” ngu wu ai.

Masha ga matsun hku sha sharin shaga nga ma ai majaw, Shanhte kaman lila ngai hpe nawku da mi ai,” nga nna, nanhte a lam Esaia tsun ai myihtoi ga ang nga malit dai.

Dai rai nna Yesu gaw, “Numsha e; na a kamsham ai gaw kaba nga lit dai; nang tsaw nga ai hku byin wa lit ga,” ngu nna, shi hpe htan wu ai. Dai ahkying kaw nna, shi a shayi sha mai mat lu ai.

Dai numsha mahtang gaw, sit sa wa nna, shi hpe nawku let, “Madu e, ngai hpe karum e law,” ngu wu ai. Shi gaw, “kasha ni a shahpa hpe la nhtawm, gwi ni hpe jaw kau na gaw, n sut nga ai,” ngu nna htan wu ai; Dai numsha mahtang, “Rai nga ai, Madu e; gwi ni gaw tinang a madu a sha ku hta na hkrat ai ayun ayaw hpe sha mai nga ai,” nga ai.