Popular Bible Verses from JAW JAU 19

Share

Na a amyu masha ni hpe nang hkum nan matai htang lu na n rai: masin n si ai myit mung rawng nga lu na n rai: na a htingbu wa hpe na a hkum hte maren nang tsawra lu na ndai: ngai gaw Yehowa rai nga nngai.

Si sai wa a matu tinang hkum hpe gadoi jahpye lu na n rai; tinang hkum hta masat hkang jahkang lu na n rai: ngai gaw Yehowa rai nga nngai.

Israela kashu kasha ni a shawa hpung ting hpe ning ngu tsun u: Nanhte a Karai Kasang, ngai Yehowa, chyoi pra nga nngai majaw, nanhte mung chyoi pra nga mu.

Na a hpunau wa hpe n dawng n yawt rai lu na n rai: na a manang wa lu ai mara nang hta n hkra hkra, nang shi hpe teng teng shadum jahprang na rai ndai.

Nat lahkum ni hte gumhpan re ai ni kaw hkum sa chyu myit: nanhte a hkum hpe shayuk kau na dai zawn re ai ni hpe hkum tam myit: ngai gaw nanhte a Karai Kasang Yehowa rai nga nngai.

Na a amyu masha ni hta shi wawn htawn hkawm ai wa nang tai lu na n rai: na a manang wa a asak nang gyam lu na ndai n rai: ngai gaw Yehowa rai nga nngai.