Popular Bible Verses from Yaahaya 19

Share

Yinsa wakathi anywiiyeevo viinyu etile yoonyuunya khulupa yoori: “Zooshi zamariseliwa”, khwiinamisa eeshwa yawe khwinkhelela rooho yawe.

Paata ya Yinsa woona yoori zooshi zintta omariseleya khushankela, yoori zirettikhane epi zaari olupaazo Zawaatikhiwa Ttakatthiifu yoori: “Lakikhola nnyottha!”

Yinsa noomoona mamaawe ari vamote na nakhiyoni otule wompheta wawe, khumuuza mamaawe yoori: “Muukha mwanawo oto,” na khumuuza nakhiyoni awe yoori: “Omoone, mamaawo oto.” Waaza wakathi otthuupule, nakhiyoni otule khuretteya wiiya jaama.

Ila noofiyeliwa Yinsa, khooniwa yoori ye aari woofwa, khuhivujiwi moolu awe. Ila najanka mmote khukuphula pavu ya Yinsa na nkokhi, nasaapiru khusala esaruwa taamu na maati.

Vitthu epo zarettikhana yoori emariseleye epile enlupaazo Zawaatikhiwa Ttakatthiifu yoori: “Hatha likhonkolo lawe limote khalinteela opwecheya,” na nkhama theenya enlupaazo zawaatikhiwa phantte kiina yoori: “Yo anttela omoona othuuto anshomiyeeyo.”

Yinsa khusaruwa attikhiwe nsalapa awe, khusala alawaniwa puuro yaari wiitthiwaaye Kalavaariyu, khwa luuka ya meepereewu yaari wiitthiwa Kolokoota

Anajanka khuvaasha khaara ya miiwa khunwalisa mmwishwa. Na khunwalisa ajapi yookhuttuwa.