Popular Bible Verses from Mwanzo 32

Share

Aphano nlume otule khutukhuru yoori: “Khunteela wiittheliwa theenya nzina la Yaakhumpa, ila nka wiitthiwaka Ezirayiilu. Mwaasa yoori weeyo woomanana Nluku na atthu khushintta.”

Aphano nlume otule khuri: “Okilikhe kilawe wacha.” Ye khuri: “Akinuulikha olawa ohikiparikhiyeeni.”

Yaakhumpa khusala otthwe, khumpuwelela nlume mmote khusala oomanana mpakha ocha.

Yaakhumpa khulupa yoori: “Miiyo kamoona Nluku wuuso khwa wuuso ila nalelo kiri haayi.” Tiito khutthaja nzina puuro etile la Peniyeele.

Nlume otule ooniyeevo yoori khaari onkhitiri khumpiya n'yuunu khukurukunyuwa liphaja lawe eettaka wuumana.

Nlume otule khumuuzela yoori: “Nzina lawo o paani?” Khujipu araka: “Miiyo ki Yaakhumpa.”

Yaakhumpa khumuuza yoori: “Kakhola moolu kuuzeni nzina lenu.” Ye khujipu araka: “Ontakha orettanne nzina laka?” Khumparikhiya attaaphale.

akinsuhi pheta yawo yawaamineya khwa nanna okikholiyeezo, miiyo karumeya awo; wakathi kaari olokhaavo muuttho Yorotaani miiyo kaathuuliye pakhora yaka paasi, aphano kapattha khuntti piiri za atthu na nyama.

Tiito mpakha leelo atthu a Ezirayiilu khanja ntika wa nyama oluttiyeeyo liphaja, mwaasa yaari phantte ya mwiili wa Yaakhumpa waapiiweeyo khukurukunyuwa.

Aphano Yaakhumpa khulompa araka: “Nluku wa paapa Eburahiima na Nluku wa paapa Esiyaakha, oo Nnyizinku okuuziyeeyo yoori: ‘Orutele nti wa apapazo miiyo kinttela oweettettisa saana,’

Okuusuru mmakhono wa ttwiiyaku Ezawu, maana kinimoova oteela okuula vamote na aakha apa na asimaana.