Popular Bible Verses from MATTHE 2

Share

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah, “Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

Cun ah aisi naw ngami cu lam shüm gui lä ne, ak hmawhta ah omnak ung gawk netah ng’düm ci.

Herod ghangpughang ah om nak lam ah kä ami hteh ba vai ah Khanpughi naw ami ng’mang ung m’thein gui khätah, ngami cu alam hei ung ami kho ah hteit ba ci gui. Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.