Popular Bible Verses from Luka 7

Share

Cacuonakawta ica chang: a suena hluvpuv ca a ngiethe pata a cuo tli nakawta duena lepuv a paluo sa. Cuorasala a suena a cawta dyi a ngiethe pata a cuopa ca duena a cawta dyina a paluo sa ra,” a ta. Cakhutaa Zingsuv ta canungnung kha, “Na suena ca a ngiethe pata a cuo tli,” a ta.

Zingsuv ta canungnung kha, “Na zangna na caa khuo tli: hnaanguota tah cakuo tie,” a ta.

Zingsuv hnang luo, a phyi thabaw lie kha a tu te, caa te a mingthliy ta Zingsuv phyi kha a pacing sa nakawta a suo ta hruv te a phyi ca a pahnuo khu taata ziyhmyi a bya.

Cacuonakaw nama'a luo a vaw riypa kha a nguo va ang. Cuorasala na ryi kaakha na pathlie kieca i changtaapapaa ca a tluo aa. Kama zaw hing i rieka tie hneta byi le viepa kuv rawlie a awpa i cuo. Pakha kha, ‘Cakuo!’ i ta kie cakuo te; A hrangpa pakha kha, ‘A vaw,’ i ta kie aa vaw; i sii a cuopa kha, ‘Hingpa hing tue,’ i ta kie a tue,” a ta. Capa bie a thyi tiyta Zingsuv ca a kharue a haa; a hnang luo a pali te a ziypa cawsaazaapuv kha, “Ica chang yi: Hing haapa zangna hing Israel ming chunglie hmuota hmung buo va ang,” a ta.

Zingsuv ta cawsaa a hluvpuv kha ama pasanapa a phangphang hne thlaapa chiepa ta a tuena taayita patluo sa yite a ming cuepa zaw a pahmung sa khu patahne yi ta a cuo. Johan taata biephyatuv tie kha, “Kaa ungla Johan kha nama hmungpa hne nama thyipa hing va chang tie ung, a ming cuepa hmung khu te a cabiepa ama cakuo, caahminghmaa a phyapa tie kha pathe sapa cuo yite a naa ruepa zaw ama thyi khu, a thiypa ca hringna luo pathu pata cuo yite Thuophaabie ca siypasapa tie'a luo chang pata ama cuo tli.